,,სტრატეგია აღმაშენებლის“ თავმჯდომარე გიორგი ვაშაძე პოლიტიკურ შეფასებას აკეთებს სუს-ის ყოფილი მაღალჩინოსნის სოსო გოგაშვილის დაკავებასა და მის წინააღმდეგ წარმოებულ საქმესთან დაკავშირებით. ოპოზიციონერი ლიდერი ფიქრობს, რომ ხელისუფლებამ მხილების შიშის გამო დააკავა სოსო გოგაშვილი:
,,ახლა დაიჭირა იმიტომ, რომ მას ეშინია მხილების. მე იმედი მაქვს, რომ გოგაშვილი რასაც აცხადებს, უკან არ დაიხევს იმიტომ, რომ მე არ გამოვრიცხავ, რომ მასზე იყოს ფიზიკური ძალადობაც კი, რომ უკან დაიხიოს, არ გამოაქვეყნოს ის მტკიცებულებები, რასაც ის ამბობს.
შესაბამისად, მოვუწოდებ მას – გამოაქვეყნეთ მტკიცებულებები. ეს რაღაც კუთხით მაინც შეამსუბუქებს იმ დანაშაულში თანამონაწილეობას, თუ ასეთს ადგილი ჰქონდა, მისი მხრიდან. იმიტომ, რომ როცა ადამიანი ამხელ და აღიარებ, რომ დანაშაულში ჩაგრთეს შენც და შენც იყავი მონაწილე, ეს სისხლის სამართლის კოდექსითაც კი ითვალისწინებს შეღავათებს“, – განაცხადა გიორგი ვაშაძემ.
ავტორი
ნინი ხიჯაკაძე
