“როცა ჩვენი დასკვნა პრაქტიკულად უკვე იყო მზად, უცბად კლინიკურ სურათში რაღაცამ შეაშფოთა “ვივამედის” ადმინისტრაცია” – ლალი ჯავაშვილი

საქართველოს მე-3 პრეზიდენტის სამედიცინო დაკვნის გასაჯაროვება გადაიდო. კონსილიუმის წევრი ექიმები კლინიკა ,,ვივამედის“ დაგვიანებულ გამოკველევებზე აკეთებენ ხაზგასმას. მიხეილ სააკაშვილის ჯანმრთელობის საქმეზე კომენტარი გააკეთა ექიმმა ენდოკრინოლოგმა ლალი ჯავაშვილმა:

,,მაშინ, როცა ჩვენი დასკვნა პრაქტიკულად უკვე იყო მზად, უცბად, ისევ არ ვიცი რა მოხდა კლინიკურ სურათში, რაღაცამ შეაშფოთა ,,ვივამედის“ ადმინისტრაცია და სასწრაფოდ წაიყვანეს და გაუკეთეს უკვე თოდუას ცენტრში ხელახალი კვლევა ამ მიმართულებით.

აღმოჩნდა, რომ დასკვნა იყო ბევრად უფრო გაუარესებული, ვიდრე იყო მარტის თვეში. მკურნალობის არაფერი არ ეტყობოდა დასკვნას და ეს თვეები იყო სრულიად დაკარგული.

ეს ,,ვივამედმაც“, თავისთავად ცხადია, გააცნობიერა. ამ კვლევის დასკვნის შედეგად მიღებული ინფორმაციის გამო დასჭირდათ კიდევ რამდენიმე ახალი კვლევის ჩატარება. ჩვენ ახლა ამ პასუხებს ველოდებით“, – განაცხადა ლალი ჯავაშვილმა.

ავტორი
ნინი ხიჯაკაძე