სპეციალური საგამოძიებო სამსახური განცხადებას ავრცელებს ტელეკომპანია “მთავარ არხში” შესაძლო უნებართვო მიყურადებისა და ჩაწერის ფაქტთან დაკავშირებით დაწყებულ გამოძიებაზე:
“სპეციალურმა საგამოძიებო სამსახურმა კერძო კომუნიკაციის საიდუმლოების დარღვევის ფაქტზე გამოძიება სისხლის სამართლის კოდექსის 158-ე მუხლის 1-ლი ნაწილით დაიწყო.
გამოძიების დაწყებას საფუძვლად დაედო მედიასაშუალებით გავრცელებული ინფორმაცია ტელეკომპანია “მთავარი არხის” თანამშრომელთა შორის გამართული კერძო საუბრის შესაძლო უნებართვო მიყურადებისა და ჩაწერის ფაქტთან დაკავშირებით.
სპეციალური საგამოძიებო სამსახური ყველა საჭირო საპროცესო და საგამოძიებო მოქმედებას შემჭიდროებულ ვადებში ჩაატარებს,” – ნათქვამია განცხადებაში.
ინფორმაციას სპეციალური საგამოძიებო სამსახურის, საზოგადოებასთან ურთიერთობის სამსახური ავრცელებს