“ბიძინა ივანიშვილმა კარგად თქვა ღარიბაშვილზე “რაც გინდათ ის დაუძახეთო” – ჩემი აღზრდა და ზრდილობა არ მომცემს უფლებას ის დავუძახო, რასაც ვფიქრობ ახლა სინამდვილეში” – პაატა მანჯგალაძე

საქართველოს პარლამენტის წევრი და ,,სტრატეგია აღმაშენებლის“ გენერალური მდივანი პაატა მანჯგალაძე მწვავე შეფასებას აკეთებს პრემიერ-მინისტრის ირაკლი ღარიბაშვილის მიერ გამოქვეყნებულ ვრცელ წერილზე:

,,ხალხს ატყუებენ, თვალებში ნაცარს აყრიან – თითქოს ხელისუფლებაში ბიძინა ივანიშვილის დამსახურებით კი არ მოვიდნენ და დღესაც ბიძინა ივანიშვილის გამო კი არ არიან, თითქოს რაღაც კონკურსი ჩატარდა. “ქართუში” კონკურსი რომ გაიარა 2003 წელს ღარიბაშვილმა, იმიტომ არის დღეს თურმე პრემიერ-მინისტრი.

აი, ასეთი სისულელის მიყიდვას ცდილობენ საზოგადოებაზე!

მე არ ვიკადრებ, ბიძინა ივანიშვილმა კარგად თქვა ღარიბაშვილზე ,,რაც გინდათ ის დაუძახეთო“ – ჩემი აღზრდა და ზრდილობა არ მომცემს უფლებას ის დავუძახო, რასაც ვფიქრობ ახლა სინამდვილეში.

ეს განცხადებები, რომ ბიძინა ივანიშვილი თითქოს არ ერევა პოლიტიკაში, ბიძინა ივანიშვილს არაფერი აქვს საერთო ოლიგარქიასთან და არაფორმალურ მმართველობასთან – არის უსინდისობა და თვალებში ნაცრის შეყრა“, – განაცხადა პაატა მანჯგალაძემ.

ავტორი
ნინი ხიჯაკაძე