“ამჟამად ჯანმრთელობის მდგომარეობა პრეზიდენტს არ აძლევს საშუალებას, რომ მონაწილეობა მიიღოს სასამართლო პროცესში და ჩაერთოს, როგორც მხარე” – შოთა თუთბერიძე

საქართველოს მე-3 პრეზიდენტის სასამართლო პროცესი, რომელიც დღეს იყო ჩანიშნული, მიხეილ სააკაშვილის ჯანმრთელობის მდგომარეობის გამო გადაიდო. აღნიშნულ საკითხზე კომენტარი გააკეთა ადვოკატმა შოთა თუთბერიძემ:

,,ამჟამად ჯანმრთელობის მდგომარეობა პრეზიდენტს არ აძლევს საშუალებას, რომ მონაწილეობა მიიღოს სასამართლო პროცესში და ჩაერთოს, როგორც მხარე. მათ შორის, არ აქვს მნიშვნელობა ეს პალატაში ჩატარდება, პავილიონში თუ სასამართლო დარბაზში.

თუმცა, თუ სასამართლო ამას გადაწყვეტს და მიუხედავად იმისა, რომ დასაბუთება არ შეიძლება, ბუნებრივია, ჩვენ ყველაფერს გავაკეთებთ იმისთვის, რომ ეს არ მოხდეს და კანონი იქნას დაცული.
თუ ასე განხორციელდება, ცხადია, ვაპირებთ, რომ ფორმალური თვალსაზრისით მაინც ყველა მექანიზმი გამოვიყენოთ მიხეილ სააკაშვილის უფლების დასაცავად“, – განაცხადა შოთა თუთბერიძემ.

ავტორი
ნინი ხიჯაკაძე