“უჩა მამაცაშვილს და სხვა თანამდებობის პირებს აქვთ კორუფციული ინტერესები და შუამავლების მეშვეობით ყიდულობენ ელექტროენერგიას საქართველოში” – ვასო ურუშაძე

ბიზნესმენი უჩა მამაცაშვილი ,,ანტიკორუფციულ მოძრაობას“ ცილისწამებისთვის უჩივის. თბილისის საქალაქო სასამართლოში გამოკითხვაზე ყოფილ პრემიერს ზურა ნოღაიდელზე თბილისის ყოფილ მერს დავით ნარმანიას ელოდებიან. აღნიშნულ საკითხზე ჟურნალისტებთან კომენტარი გააკეთა ორგანიზაციის თავმჯდომარემ ვასო ურუშაძემ:

,,ეს არის პირდაპირ დევნა და ზეწოლა ჩვენს საქმიანობაზე, რომელზეც ვალდებულებად გვაქვს ჩვენ, ,,ანტიკორუფციულ მოძრაობას“ წესდებაში გვიწერია, რომ ჩვენი მოვალეობაა მხილება, მონიტორინგი.

რას გვედავება დღეს უჩა მამაცაშვილი? – 2 მნიშვნელოვანი ამბავია:

1. ჩვენ ის ვამხილეთ ტრანსნაციონალურ საერთაშორისო დანაშაულთან დაკავშირებით;
2. ელექტროენერგიის ტარიფი.

ჩვენ ,,ანტიკორუფციული მოძრაობა“ ვიკვლევთ მნიშვნელოვან გარემოებას, რის გამოც საქართველოს მოქალაქეებს გაუძვირდათ ტარიფი.

იმიტომ, რომ, დიახ, უჩა მამაცაშვილს და სხვა თანამდებობის პირებს აქვთ კორუფციული ინტერესები და შუამავლების მეშვეობით ყიდულობენ ელექტროენერგიას საქართველოში. ამის საფუძველზე ჩვენ გვიძვირდება ყოველდღიური ხარჯები როგორც მოქალაქეებს, ასევე კერძო სექტორს. ამის მხილების ატანაც კი არ უნდათ?!’’, – განაცხადა ვასო ურუშაძემ.

ავტორი
ნინი ხიჯაკაძე