საპარლამენტო უმრავლესობის წევრი, იურიდიული საკითხთა კომიტეტის თავმჯდომარე ანრი ოხანაშვილი ჟურნალისტებთან კომენტარს აკეთებს აშშ-ის საელჩოში გუშინ მომხდარ ინციდენტთან დაკავშირებით და ,,ტვ პირველის” დირექტორს ვატო წერეთელს პროვოკაციაში ადანაშაულებს და კონკრეტულ ბრალდებებს უყენებს:
,,მე ახლა ამ სიტყვებს, ამ საუბარს, რა თქმა უნდა, აქ თქვენთან ვერ და არ გავიმეორებ.
აქედან გამომდინარე, მე დაუყოვნებლივ ჩავაყენე ჩვენი ამერიკელი მეგობრები საქმის კურსში.
მზად ვარ და ჩემი სურვილია, რომ აბსოლუტურად ყველაფერი, ყველას გადაადგილება, იქ ყოფნის პერიოდი – გასაჯაროვდეს.
ყველამ ნახოს და ეყოს ადამიანობა ყველას, რაც გააკეთა, როგორ მოვიდა, როგორ გამიხმო გვერდით და ა.შ. თქვას ეს ყველაფერი. ეს ითქვას.
გასარკვევია ასევე რა მდგომარეობაში იყო ეს ადამიანი, ხო? იმიტომ, რომ მე არ გამოვრიცხავ, რომ მას ჰქონდა შესაბამისი თრობა.
ჩაიტაროს ექსპერტიზა, სადაც უნდა. დადგინდეს ყველაფერი როგორ შეიძლება, თუ ეს დადასტურდება, რომ აშშ-ის საელჩოში ადამიანი ესეთ მდგომარეობაში მიდის, გამიზნულად გეგმავს უბინძურეს პროვოკაციას და ადამიანს ღირსების შემლახველ სიტყვებს ეუბნება.
მე ძალიან კარგად ვიცი თმენის ვალდებულება. მე კარგად ვიცი და ყოფილა შემთხვევები პროვოცირებული, ყოფილა მომენტები, როდესაც შეურაცხყოფის მოყენებასაც კი ჰქონდა ადგილი, მაგრამ ეს გაცდა ყოველგვარ საზღვარს.
შესაბამისად, მე მზად ვარ, სურვილია ჩემი, მე მექნება შეხვედრა ჩვენს სტრატეგიულ პარტნიორებთან, სადაც სურვილს გამოვთქვამ, რომ გასაჯაროვდეს ყველაფერი”, – განაცხადა ანრი ოხანაშვილმა.
ავტორი
ნინი ხიჯაკაძე
