ბრიუსელში ვიზიტად მყოფი “სტრატეგია აღმაშენებლის” ლიდერები გიორგი ვაშაძე და სერგო ჩიხლაძე ევროკავშირის საგარეო უწყების წარმომადგენლებს შეხვდენენ. შეხვედრის მთავარი თემა საქართველოს ევროინტეგრაციის საკითხი იყო. როგორც პარტიის ლიდერები აღნიშნავენ ევროპელი კოლეგების მხრიდან მხარდაჭერა დიდია და საქართველომ ევროკომისიის მიერ გაცემული 12 პუნქტიანი რეკომენდაცია წლის ბოლომდე აუცილებლად უნდა შეასრულოს:
“შეხვედრაზე საუბროს მთავარი თემა ევროკავშირის მხრიდან გაცემული 12 რეკომენდაციის შესრულების აუცილებლობა იყო, რომელიც საქართველომ წლის ბოლომდე უნდა შეასრულოს.
შეხვედრაზე ასევე ხაზი გაესვა, რომ ეს არის ჩვენი ქვეყნისთვის გახსნილი შესაძლებლობების ფანჯარა, რომელიც მუდმივად ღია ვერ იქნება და სანამ არსებობს შესაძლებლობა უნდა გამოვიყენოთ და რომ ამ პერიოდში უნდა მოხდეს ყველა პირობის შესრულება.
აქვე აღსანიშნავია ისიც, რომ ქართველ ხალხს ექნება სრული მხარდაჭერა, რომლებიც მომართული არიან წლის ბოლომდე ამ რეკომენდაციების შესრულებაზე”, – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
