საპარლამენტო უმრავლესობის წევრი არჩილ თალაკვაძე მხარს უჭერს საქართველოს პრემიერ-მინისტრ ირაკლი ღარიბაშვილს, მის მიერ გაკეთებულ განცხადებებს მნიშვნელოვნად მიიჩნევს და ოპოზიციას მიზანმიმართულ პროვოკაციაში ადანაშაულებს:
,,გუშინ, პრემიერ-მინისტრის ანგარიშის მოსმენის დროს, რადიკალურმა ოპოზიციამ ყველაფერი გააკეთა იმისთვის, რომ ეს ყოფილიყო არა პრემიერ-მინისტრის საქმიანი ანგარიშის მოსმენა, არამედ ყოფილიყო ხმაურის და დაპირისპირების ფონი.
ეს არ იფიქროთ, რომ არის შემთხვევითი. ეს არის მიზანმიმართული პროვოკაცია საკუთარი ქვეყნის და ჩვენი ქვეყნის ევროპული მომავლის წინააღმდეგ, რაც გუშინ რადიკალურმა ოპოზიცამ გააკეთა.
თუმცა, პრემიერმა, როგორც პოლიტიკურმა ლიდერმა, გასცა პასუხები ამ პროვოკაციას, ბინძურ ცილისწამებას და განცხადებებს, რომელიც გუშინ მოვისმინეთ აქ სხდომაზე და საკუთარი ანგარიში ყველა სექტორის მიმართულებით წარუდგინა საზოგადოებას“, – განაცხადა არჩილ თალაკვაძემ.
ავტორი
ნინი ხიჯაკაძე
