თბილისის სახელმწიფო უნივერსიტეტში სტუდენტების პროტესტს ეხმაურება ინტერნეტგამოცემა “ტაბულას” დამფუძნებელი თამარ ჩერგოლეიშვილი და კონკრეტულ ფაქტებს იხსენებს საქართველოს ახლო წარსულიდან თუ მდიდარ ქვეყნებში სტუდენტური ცხოვრებიდან:
“დღეს, გამოცდების გამო ამბოხებულ სტუდენტებთან, თუ მათ გულშემატკივრებთან ურთიერთობისას კიდევ ერთხელ მივეხალე შოკისმომგვრელ უმეცრებას.
ამ ადამიანებმა დამოუკიდებელი საქართველოს ისტორიაზე არაფერი იციან.
საერთოდ არაფერი იციან.
თსუ-ში სწავლობენ და 30 წლის წინ საქართველოში რა ხდებოდა არ იციან.
ვერ ხვდებიან, რას ნიშნავდა სტუდენტობა 90-იანებში – ფიქრობენ, რომ ვინც 90-იანების სტუდენტობა გამოვიარეთ პრივილეგირებულები ვართ და გაჭირვება არ ვიცით.
ეს პრობლემაა. წარსულის ასეთი გაუაზრებლობა განაპირობებს აწმყოს სიმძიმეს.
არანაირი სოლიდარობა არ გამაჩნია იმ სტუდენტების მიმართ, რომლებსაც გამოცდის გადაწერა სურთ.
ასევე არანაირი სოლიდარობა არ გამაჩნია იმ ხალხის მიმართ, რომელიც ვერ ხვდება რომ სტუდენტობა 8 კაცთან ტუალეტის გაყოფას ნიშნავს მდიდარ ქვეყნებშიც“, – წერს ფეისბუქის პირად გვერდზე თამარ ჩერგოლეიშვილი.
