საქართველოს პრემიერ-მინისტრი ირაკლი ღარიბაშვილი ჟურნალისტებთან კომენტარში პოლიტიკურ შეფასება/შედარებას აკეთებს საქართველოში არსებულ სიტუაციასთან დაკავშირებით, 2012 წელს ხელისუფლებაში ,,ქართული ოცნების“ მოსვლამდე და მას შემდეგ:
,,შეგახსენებთ, რომ ჩვენ, ჩვენი ხელისუფლება, ბიძინა ივანიშვილის ხელისუფლება 2012 წელს რომ მოვიდა სათავეში, მაშინ ჩავიბარეთ უმძიმესი მემკვიდრეობა. ეს იყო რეალურად დიქტატორული რეჟიმი, სადაც ადამიანებს კლავდნენ, ხოცავდნენ, აუპატიურებდნენ და საშინელება ხდებოდა. არც თავისუფალი მედია არსებობდა, არც თავისუფალი სასამართლო. არავითარი დემოკრატიის ნიშან-წყალი არ არსებობდა ქვეყანაში.
რაც შეეხება აწმყოს, ჩვენ ბოლო 9 წლის განმავლობაში – იგივე ბიძინა ივანიშვილის მიერ დატოვებულმა გუნდმა და მისმა პარტიამ, ყველა მნიშვნელოვანი სტრატეგიული დოკუმენტის ნაბიჯი, რამაც რეალურად ხელშესახებად დაგვაახლოვა ევროპასთან, ჩვენ გავაფორმეთ და შეგახსენებთ ყველას, მათ შორის ჩვენს კრიტიკოსებს და არაობიექტურ ადამიანებს.
ასოცირების შეთანხმება ვინ გააფორმა? – ეს გააფორმა ,,ქართულმა ოცნებამ“, ბიძინა ივანიშვილის მთავრობამ, მისმა დატოვებულმა გუნდმა. უვიზო რეჟიმი, რომლითაც თქვენ ყველანი, ჩვენი მოქალაქეები სარგებლობენ. თავისუფალი ვაჭრობა. ახლა უკვე ოფიციალურად ჩვენ წარვადგინეთ წევრობაზე განაცხადი.
ანუ ყველა ის ეფექტური ნაბიჯი, რაც მთავრობას უნდა გადაედგა, ჩვენი მხრიდან არის შესრულებული“, – განაცხადა ირაკლი ღარიბაშვილმა.
ავტორი
ნინი ხიჯაკაძე
