საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე პოლიტიკურ შეფასებებს აკეთებს საქართველოსთან მიმართებაში ევროპარლამენტარების კრიტიკულ პოზიციასთან დაკავშირებით:
,,იმედი მაქვს, რომ ამ კრიტიკულ შენიშვნებს ,,ქართული ოცნების“ მხრიდან არ მოჰყვება ახალი ლანძღვა-გინების კამპანია ჩვენი ევროპელი პარტნიორების მიმართ.
დიახ, 750 ადამიანისგან შედგება ევროპარლამენტი, მაგრამ ყველა ის ადამიანი გამოვიდა, ვინც საქართველოს საკითხით არის დაინტერესებული, ვინც არის საქართველოს მეგობარი და მოქმედებდნენ პრინციპით, როგორც ჩანს, ,,მოყვარეს პირში უძრახე“.
,,ქართული ოცნების“ წარმომადგენლები იტყვიან და საუბრობენ უკვე, რომ ესენი არიან ლობისტები ოპოზიციურ პარტიებთან დაკავშირებული.
თუ ასე ადვილია ევროპარლამენტარებზე ზემოქმედების მოხდენა, მივმართავ ,,ქართულ ოცნებას’’ – მათ რატომ ვერ მოახდინეს ზემოქმედება სოციალ-დემოკრატების ოჯახზე?! – ერთი მაინც პოზიტიური შეფასება ვერ მოვისმინეთ მათთან დაკავშირებით!“, – განაცხადა პაატა მანჯგალაძემ.
ავტორი
ნინი ხიჯაკაძე
