საქართველოს პარლამენტის წევრი, ,,სტრატეგია აღმაშენებლის“ თავმჯდომარე გიორგი ვაშაძე საგანგებოდ გამართულ ბრიფინგზე ინფორმაციას ავრცელებს იმასთან დაკავშირებით, რომ მმართველი გუნდის წარმომადგენლები ოპოზიციონერ ლიდერზე ფიზიკურ თავდასხმას გეგმავენ:
,,ჩემი ინფორმაციით, ახლა მომაწოდა წყარომ ინფორმაცია, რომ ,,ქართული ოცნება“ გეგმავს ჩემზე ფიზიკურ თავდასხმას. მათ შორის, არ ვიცი ეს სხდომათა დარბაზში გეგმავენ თუ გარეთ. ამის ნიშნები იყო გუშინ განცხადებების შემდეგ.
ზუსტი ინფორმაცია მაქვს, რომ ისინი აპირებენ ჩემს მიმართ ფიზიკურ ანგარიშსწორებას. დაავალეს საკუთარ ფრაქციაში იმ, ასე ვთქვათ, მოჭიდავე თუ გაუგებარ დეპუტატებს, რომელთა სახელი და გვარი არავინ არ იცის, რომ რამენაირად პროვოკაცია მოაწყონ ამასთან მიმართებაში.
მე კიდევ ერთხელ მივმართავ ,,ქართულ ოცნებას“, რომ თქვენ პასუხი არ გაქვთ იმ საკითხებზე, რასაც ჩვენ ვსვამთ. აქედან გამომდინარე, გინდათ, რომ გადახვიდეთ ფიზიკურ ანგარიშსწორებაზე.
ჩვენ უკან არ დავიხევთ! ქართულ საზოგადოებას თქვენს რეალურ, ნამდვილ სახეს აუცილებლად ვაჩვენებთ“, – განაცხადა გიორგი ვაშაძემ.
ავტორი
ნინი ხიჯაკაძე
