“სტრატეგია აღმაშენებელის” და “რესპუბლიკური პარტიის” ლიდერებმა ესტონეთის ელჩთან შეხვედრა გამართეს.
რინა კალიურანდთან გამართულ შეხვედრაზე საუბარი შეეხო საქართველოსთვის ევროკავშირის კანდიდატის სტატუსის მინიჭებას. გიორგი ვაშაძის განცხადებით ესტონეთის ელჩმა დაადასტურა მისი მხარდაჭერა აღნიშნულ საკითხთან დაკავშირებით. ვაშაძის თქმით, ესტონეთის ელჩი მზად არის დაარწმუნოს სკეპტიკოსები თუ რატომ უნდა მიიღოს საქართველომ კანდიდატის სტატუსი:
“შეხვედრა გვქონდა საქართველოში ესტონეთის ელჩთან რინა კალიურანდთან, ვისაუბრეთ საქართველოსთვის ევროკავშირის კანდიდატის სტატუსის მოპოვებასთან დაკავშირებით.
ესტონეთიც იყო საბჭოთა კავშირის შემადგენლობაში, მათ დროულად მოახერხეს და გახდნენ ევროკავშირის წევრები, დღეს ესტონეთის ეკონომიკა არის 5-ჯერ მეტი ვიდრე საქართველოსი, ტექნოლოგიური თვალსაზრისით ისინი მაგალითი არიან არა მარტო საქართველოსთვის არამედ მსოფლიოსთვის.
ჩვენ “სტრატეგია აღმაშენებელი” ჩვენს ოპოზიციონერ პარტნიორებთან ერთად ვაგრძელებთ დღე და ღამე მუშაობას იმისთვის, რომ საქართველომ მიიღოს ევროკავშირის კანდიდატის სტატუსი.
ესტონეთის ელჩმა დაგვიდასტურა, უბრალოდ მხარს კი არ დაგვიჭერენ, არამედ მოგვეხმარებიან იმაში, რომ სხვებიც სკეპტიკოსებიც დაარწმუნონ რატომ უნდა მიიღოს საქართველომ კანდიდატი ქვეყნის სტატუსი”, – განაცხადა გიორგი ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
