მთავრობამ საკონსტიტუციო სასამართლოს სარჩელით მიმართა, რომელიც ეხება პრეზიდენტსა და მთავრობას შორის უფლებამოსილების გამიჯვნას – ეხებოდა ეს ელჩების დანიშვნის თემას თუ ცალკეულ საკითხებთან მიმართებაში აზრთასხვადასხვაობას. აღნიშნულთან დაკავშირებით. კომენტარი გააკეთა ვიცე-სპიკერმა, საქართველოს კულტურის, სპორტისა და ახალგაზრდობის მინისტრმა თეა წულუკიანმა:
,,საქართველოს კონსტიტუცია საქართველოს პრეზიდენტს ამგვარი პოზიციების უფლებას არ აძლევს. ეს არც ცუდია და არც კარგი. ეს არის რეალობა. კონსტიტუციური რეალობა ჰქვია ამას.
ვინაიდან საქართველოს პრეზიდენტი მაინც იყენებს იმ უფლებას, რომელიც მას არ აქვს კონსტიტუციით მინიჭებული, საქართველოს მთავრობამ გუშინ მივიღეთ გადაწყვეტილება, რომ მივმართოთ საკონსტიტუციო სასამართლოს, რომელმაც როგორც უზენაესმა კონსტიტუციურმა სასამართლო ორგანომ, უნდა განმარტოს და თქვას, საქართველოს მთავრობა კითხულობს სწორად კონსტიტუციურ ნორმას თუ საქართველოს პრეზიდენტი?“, – განაცხადა თეა წულუკიანმა.
ავტორი
ნინი ხიჯაკაძე
