“რამდენიმე თვიანმა მკურნალობამ ფაქტია, რომ პოზიტიური შედეგი ვერ დაგვანახა” – შოთა თუთბერიძე მიხეილ სააკაშვილის ჯანმრთელობის მდგომარეობაზე

საქართველოს მე-3 პრეზიდენტის ჯანმრთელობის მდგომარების შესწავლის მიზნით იგი მოინახულეს ექსპერტებმა. აღნიშნულ საკითხთან დაკავშირებით ჟურნალისტებთან კომენტარი გააკეთა მიხეილ სააკაშვილის ადვოკატმა შოთა თუთბერიძემ:

,,განვიხილეთ ის გზები, რაც არის საჭირო და ის დახმარება, რომელიც შეგვიძლია ექსპერტებს გავუწიოთ, რათა მათ შეძლონ დასკვნის მაქსიმალურად მოკლე დროში და სრულყოფილი ჩატარება.

რამდენიმე თვიანმა მკურნალობამ ფაქტია, რომ პოზიტიური შედეგი ვერ დაგვანახა, რაც ერთადერთ რამეს ნიშნავს – იმას, რომ ბოლო პერიოდში მის [სააკაშვილის] მიმართ ჩატარებული მკურნალობა, როგორც ჩანს, შედეგს ვერ აღწევს“, – განაცხადა შოთა თუთბერიძემ.

ავტორი
ნინი ხიჯაკაძე