ბოდბელი მთავარეპისკოპოსი მეუფე იაკობი (იაკობიშვილი) ჟურნალისტებთან გაკეთებულ კომენტარში პოზიციას აფიქსირებს საქართველოს მე-3 პრეზიდენტ მიხეილ სააკაშვილთან კონკრეტულ შეფასებებს აკეთებს:
,,ხუმრობის გარეშე – ცოტას თუ დაიკლებდა, ხო ძალიან დიდი წონა ჰქონდა, პირიქით ჯანმრთელობისთვის კარგია, მაგრამ უცბად არ უნდა მოხდეს ხოლმე მაგ წონის დაგდება. ისე ძალიან კარგია თუ დაიკლებს.
თუ საჭიროა გადაყვანა, ვინ არ გადაიყვანდა?! – ასატკივარი თავი ვის აქვს?! საავადმყოფოში უნდა გადაეყვანათ, ჩვენი აზრია, თორემ თქვენ შეიძლება არ იცით, მაგრამ ჩვენც გვქონდა ხელისუფლებასთან მაგაზე საუბარი და ძალიან მალე ხელისუფლებამ გადაიყვანა.
მე გეტყვით რა მიშაზე რა ხდება, საერთოდ. შევხედოთ ხალხის მდგომარეობას. ხალხს არ აინტერესებს სწორად გასამართლდა თუ არ გასამართლდა. ხალხის უმეტესობა ფიქრობს, რომ ეგ ადამიანი არის იქ, სადაც უნდა იყოს.
გულსატკენი ეს არის, რომ ჩვენ კანონი კი არ გვაინტერესებს, უკვე რაღაც განწყობებია ადამიანებში და ფიქრობენ, რომ სამართლიანია.
გინდ პრეზიდენტი იყავი, გინდა მეფე – ყველა ვერ უძლებს. გასაგებია ან შიშები დაემართა, ან რაღაცა, წონაშიც იკლებს ახლა“, – განაცხადა მეუფე იაკობმა
ასევე, მეუფე იაკობმა კომენტარი გააკეთა ,,მთავარი არხის“ გენერალურ დირექტორთან ნიკა გვარამიასთან და ტელეკომპანიასთან დაკავშირებითაც:
,,არავითარი პოლიტპატიმარი. მისმინეთ, არცერთს არ ვთვლი მე – არც მიშას, არც ნიკას.
კრიტიკული არ იყო მაგ [“მთავარი არხი”] ტელევიზია. ტელევიზია იყო პარტიული რუპორი, სხვა არაფერი არ იყო, რომელიც სახელმწიფოს აღმშენებლობას, მე რასაც ვუყურებ, ხელს უშლიდა“, – განაცხადა მეუფე იაკობმა.
ავტორი
ნინი ხიჯაკაძე
