ოპოზიციონერი ლიდერი გიგი უგულავა ,,მთავარი არხის“ გადაცემაში ,,დღის სტუმარი’’ მწვავე შეფასებებს აკეთებს მმართველ პარტიასთან მიმართებაში და რიტორიკულ შეკითხვებს სვამს ,,ქართული ოცნების“ დამფუძნებელ ბიძინა ივანიშვილთან დაკავშირებით:
,,ეს არ არის ცუდი ხელისუფლება, ეს არის მოღალატე ხელისუფლება. მოღალატე ხელისუფლებას კი ებრძვიან ყველა შესაძლო კონსტიტუციური მეთოდით, თუმცა დღეს ამ ხელისუფლებას ხალხი არ ებრძვის, მოღალატე ხელისუფლებას ქართველი ხალხი უყურებს და ელოდება. ეს ლოდინი კი შეიძლება დაგვიჯდეს ძალიან ძვირი.
მოთმინება გვაქვს, თუმცა ფიცხებიც ვართ და გვაქვს ამოხეთქვები. ვაი მას, ვისაც ეს ამოხეთქვა თავს დაატყდება. ეს იქნება ზუსტად ივანიშვილი და ,,ქართული ოცნება“. ფულის რეზერვუარად რომ გადააქცია ეს ქვეყანა, საკუთარი ფულის!
გაამათხოვრა ქვეყანა და ვიცავთ ვიშვიშით. რას ვიცავთ? – ბიძინას ფულს ვიცავთ შვეიცარიის ბანკიდან?! არ გავარ**ი ბიძინას და მის ფულსაც?!
რატომ უნდა დაიცვას საქართველოს რიგითმა მოქალაქემ, რომელიც გაღარიბდა. რატომ უნდა დაიცვას ვიღაცა ვიგინდარა ბიძინას ფული?!
წავიდეს თავის ფულიანად და მოშორდეს, რაც უნდა ის გაუკეთებია! როგორ ბედავს ეს ადამიანი ლაპარაკს იმაზე, რომ მე ახლა ხალხი უნდა გამოვიყვანო, თურმე იმიტომ, რომ შვეიცარიის ბანკმა ფულის გადარიცხვა დამიგვიანა.
მერე რა?! ჩვენ რა?! რა ქართველ ადამიანს? რა?! – არაფერი!“, – განაცხადა გიგი უგულავამ.
ავტორი
ნინი ხიჯაკაძე
