“მთავარი არხის” გენერალური დირექტორი ნიკა გვარამია, მოსამართლე ლაშა ჩხიკვაძის მიერ მის მიმართ მიღებულ განაჩენთან დაკავშირებით კონკრეტულ შეფასებებს აკეთებს და იგი ფეისბუქის მის პირადი გვერდზე გამოქვეყნდა:
“მივიღე “მოსამართლე” ჩხიკვაძის “დასაბუთებული” განაჩენი.
თავს არ შეგაწყენთ და იურიდიული დეტალებით არ გადაგტვირთავთ. მოვიყვან მხოლოდ ორ საოცრებას:
1. “მოსამართლის” აზრით, მოქმედი დამფუძნებლების თანხმობა არასაკმარისია და დირექტორს უნდა გაეთვალისწინებინა პოტენციური მესაკუთრის, ქიბარ ხალვაშის აზრი და ამგვარად დაედო კონტრაქტი გაყიდვების სახლთან 🙂
2. ციტატა: “ნიკა გვარამიას რა თქმა უნდა შეეძლო [მანქანის საკუთარი თავისთვის პრემიის სახით გამოწერა], თუმცა მან კომპანიის საზიანო დანაშაულებრივი სქემა შეარჩია”. (ანუ, მანიაკალურად მოწყურებული ვარ დანაშაულის ჩადენას და ვგიჟდები საკანში ჯდომაზე)
უკომენტაროდ.
P.S. 31 გვერდიანი დასაბუთებიდან, 20 გვერდი სამოქალაქო და კორპორაციული სამართალია და ეს განაჩენი სამოქალაქო პალატაში უნდა გავასაჩივრო თუ სისხლის?:)))” – ნათქვამია გამოქვეყნებულ წერილში.
