საქართველოს მე-3 პრეზიდენტის, მიხეილ სააკაშვილის ჯანმრთელობის მძიმე მდგომარეობაზე ,,მთავარი არხის“ ჟურნალისტთან კომენტარს აკეთებს ფსიქოლოგიური რეაბილიტაციის ცენტრ ,,ემპათიას“ დირექტორი მარიამ ჯიშკარიანი:
,,არცერთი ჩვენი რეკომენდაცია, დეკემბერში გაცემული, არ შესრულდა. ამჟამად სრულდება ზოგიერთი და ისიც არასაკმარისი სიზუსტით. მაგალითად MRT და CT კვლევები, რაც არის პრაქტიკულად 4-5 თვის დაგვიანებით. შესაბამისად, რა თქმა უნდა, თვეების განმავლობაში მდგომარეობა დამძიმდა.
პირველ რიგში – ნევროლოგიური და ასევე საჭმლის მომნელებელი სისტემის თვალსაზრისით არის საჭირო სრული კვლევები. ვფიქრობთ, რომ აქ შეუძლებელი გახდება ამ დიაგნოზებით მისი რეაბილიტაცია.
იუსტიციის მინისტრი საერთოდ არ უნდა საუბრობდეს არანაირ დიაგნოზებზე. მას უნდა ჰქონდეს ხელში გარკვეული ექსპერტიზის დასკვნა და ამის შემდეგ შესაძლებელია გაახმოვანოს ესა თუ ის შეხედულება. შესაბამისად, ეს არის უმეცრება და არაპროფესიონალიზმი მისი მხრიდან“, – განაცხადა მარიამ ჯიშკარიანმა.
ავტორი
ნინი ხიჯაკაძე
