“სტრატეგია აღმაშენებლის” თავმჯდომარემ საპარლამენტო უმრავლესობის წევრებს სხდომათა დარბაზიდან მიმართა. გიორგი ვაშაძის თქმით სახელისუფლებო პარტიის წარმომადგენლები დღეს ზიზღის ენას უკრავდნენ ტაშს, რომელიც პრემიერ მინისტრს სხდომათა დარბაზში გამოსვლის დროს ჰქონდა:
„უმძიმესი რეალობა გვაქვს, გულწრფელი კითხვა მაქვს უმრავლესობასთან, ტაშს რას უკრავდით?! ტაშს, რომ უკრავდით იმ ზიზღის ენას, იმ რიტორიკას, რომელიც პრემიერ-მინისტრის მხრიდან იყო, მოგწონთ?!
თქვენთვის ევროპელობა არის ოპონენტების კრიმინალებად დასახელება?!
თქვენთვის ევროპელობა არის ზიზღის ენა და რიტორიკა?!
თქვენთვის ევროპელობა არის გაუთავებელი ტყუილები, ტყუილების მოგონება, დაბრალება და ამაზე ლაპარაკი წუთების მანძილზე?!
ეს არის ევროპელობა?! მართლა გგონიათ, რომ ამით თქვენ რამე კარგს აკეთებთ?!
ხშირად ისმის ხოლმე თქვენგან: ეროვნული ინტერესები, სამშობლო, ეს არის თქვენი ეროვნული ინტერესები? მართლა მაინტერესებს რა გიხარიათ?!
ეკონომიკის მინისტრია მოსული და მაგალითად გეტყვით:
- თუ იცით რამდენით შემცირდა მოსახლეობის რაოდენობა გასულ წელს? 25 000-ით;
- თუ იცით რამდენი საქართველოს მოქალაქე გავიდა სარჩო-საბადებლის სანახავად ქვეყნიდან? 100 000-მდე;
გაძვირებულია პური, ზეთი, ბოსტნეული, შაქარი, შემცირებულია სამუშაო ადგილები, იტყუებით, რომ სავალუტო ფონდმა გამოაცხადა შემდგომი 5 წლის მანძილზე ორნიშნა ციფრით გაიზრდება ეკონომიკა, წელს გაიზარდა ორნიშნა ციფრით ეკონომიკა, ვისთვის გაიზარდა?! ვინ ისარგებლა ამით?!
თქვენივე ოფიციალურ ყველა სტატისტიკურ მონაცემში რატომ არის ასეთი მძიმე მდგომარეობა?!
ამ ფონზე თქვენი ქვეყნის პრემიიერ-მინისტრს რა უხარია?! კობახიძეს რა უხარია?! მართლა მაინტერესებს ტაშს რას უკრავთ?!“, – მიმართავს გიორგი ვაშაძე საპარლამენტო უმრავლესობას.
პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური
