პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას“ წევრმა ზაალ უდუმაშვილმა კომენტარი გააკეთა ,,მთავარი არხის“ დირექტორის ნიკა გვარამიას საპატიმროში მონახულების შემდეგ და აცხადებს, რომ მისი პატიმრობა დიდხანს არ გაგრძელდება:
,,არის ძალიან მხნედ, ბრძოლის ჟინზე და ბრძოლის ხასიათზე. ძალიან დიდ მადლობას უხდის სრულიად მედიას, რომელმაც ამ დღეების განმავლობაში განსაკუთრებული სოლიდარობა და მხარდაჭერა გამოიჩინა.
დღეს მისი მთავარი სატკივარი არის ,,მთავარი არხი“, თუ როგორ განვითარდება მოვლენები ტელეკომპანიის გარშემო.
პირადად მე დარწმუნებული ვარ, რომ ის გუნდი, რომელმაც ძალიან ბევრ რამეს გაუძლო მთელი ამ 10 წლის განმავლობაში და ბევრი განსაცდელი გადაიტანა, ამ გამოწვევასაც ძალიან ღირსეულად გაუმკლავდება.
იმაშიც ღრმად ვარ დარწმუნებული, რომ ნიკა გვარამიას პატიმრობა დიდხანს არ გაგრძელდება. ის მალე გამოვა და კვლავ იხილავს ჩვენი მაყურებელი იმ ნიკა გვარამიას, რომელსაც მიჩვეულია“, – განაცხადა ზაალ უდუმაშვილმა.
ავტორი
ნინი ხიჯაკაძე
