„სტრატეგია აღმაშენებლის“ ლიდერის გიორგი ვაშაძის თქმით ხელისუფლება ყველაფერს აკეთებს იმისთვის, რომ საქართველოს ხელი შეეშალოს ევროინტეგრაციის გზაზე.
ამასთან დაკავშირებით, ოპოზიციონერი ლიდერი “ქართული ოცნების” თავმჯდომარეს, ირაკლი კობახიძის კონკრეტული შეკითხვებით მიმართავს:
“სამწუხაროდ „ქართული ოცნება“ ყველაფერს აკეთებს იმისთვის, რომ ევროინტეგრაციის გზაზე უარი მივიღოთ. კობახიძემ ოპოზიციას კითხვა დაგვისვა – “რას არ აკეთებს?“
რა უნდა გააკეთოს „ქართულმა ოცნებამ“? მე კითხვებს ჩამოვთვლი და ამ კითხვებიდან ჩანს თუ რას არ აკეთებს ხელისუფლება:
- რატომ არ ასრულებს 19 აპრილის შეთანხმებას?!
- რატომ არ ამბობს უარს სასამართლოში უკანონო მართლმსაჯულებაზე?!
- რატომ არ აკეთებს საკონსტიტუციო ცვლილებებს?!
- რატომ არ ამბობს უარს „სუს“-ის, როგორც პოლიტიკური პოლიციის მექანიზმზე, რომელიც აქვს ქვეყანში?!
- რატომ ესხმის თავს ევროკავშირის და შეერთებული შტატების ელჩებს?!
- რატომ ადანაშაულებს მათ, რომ თითქოს სურთ ჩვენი ქვეყნის ომისკენ წაქეზება?!
- რატომ უკავშირებს ბიძინა ივანიშვილის ქონებას საქართველოს სუვერენიტეტს და სახელმწიფო ინტერესებს?!
- რატომ ამბობს, რომ ვიღაც აშანტაჟებს?!
გავაგრძელო?…
ყველა ამ კითხვას უნდა გასცეს პასუხი ბატონმა კობახიძემ. ზუსტად ეს არის ანტიდასავლური, ანტიევროპული და ანტიქართული კამპანია, რომელშიც ჩართულია „ქართული ოცნება“ “, – განაცხადა გიორგი ვაშაძემ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
