ტელეკომპანია “იმედის” ჟურნალისთან კომენტარში, “ქართული ოცნების” თავმჯდომარე ირაკლი კობახიძე აცხადებს, რომ რადიკალური ოპოზიცია ყველანაირად ცდილობს, ქვეყანამ არ მიიღოს ევროკავშირში გაწევრიანების კანდიდატის სტატუსი:
“რადიკალური ოპოზიციის წარმომადგენლები დადიან ევროკავშირის დერეფნებში და საპირისპირო კამპანიას აწარმოებენ.
აქ არის ძალიან მარტივი გათვლა. გათვლა არის ის, რომ ამ ყველაფერს – კანდიდატის სტატუსის არმიღებას, მოჰყვეს არეულობა, ამ არეულობაში მათ ნახონ საკუთარი წარმატების შანსები და, საბოლოოდ, აისრულონ ის ოცნება, რაც აქვთ – ეს არის ჩვენი ქვეყნის ჩართვა ომში.
ეს არის ძალიან მარტივი გათვლა, რომელიც აქვს ოპოზიციის რადიკალურ ნაწილს. თუმცა, ამ გათვლებს, რეალურად, არ უწერია ასრულება.
ყველაფერი გაკეთდება იმისათვის, პირველ რიგში ჩვენი მხრიდან, რომ ქვეყანამ მიიღოს ევროკავშირში გაწევრიანების კანდიდატის სტატუსი და იმისათვის, რომ ზოგადად, ქვეყანა იყოს წარმატებული“, – განაცხადა ირაკლი კობახიძემ.