კლინიკა “ვივამედში” მე-3 პრეზიდენტი მოინახულა მომღერალმა სოფო ნიჟარაძემ, სადაც იგი მიხეილ სააკაშვილის შვილთან, ელის მარიასთან ერთად მივიდა:
“მოვინახულეთ მიშა…
ბოლოს ვნახეთ საქართველოში დაბრუნების წინ.
მთელი ეს ხანი ძალიან ენატრებოდა ბავშვი, ძალიან უნდოდა ნახვა.
ბავშვმა აჩვენა ყველაფერი რამდენი რამე ისწავლა, როგორ მღერის, როგორ ითვლის, ანბანს როგორ ამბობს, ეფერა და ძალიან ბედნიერი იყო.
ჩემთვის პირადად ძალიან მძიმე იყო ამ პირობებში მისი ნახვა, მაგრამ მას ძალიან უნდოდა ჩვენი ნახვა და დიდი მადლობა ყველას, ვინც მოგვცა ამის შესაძლებლობა.
ძალიან მძიმე საყურებელი იყო მიშა, მაგრამ მთავარია თვითონ იყო ბედნიერი, რომ ჩვენ გვიხილა. ბავშვი 7 თვეზე მეტი ხანია არ უნახავს, მოეფერა მას, ისიამოვნა ამით და ამიტომ ჩვენ ბედნიერები ვართ“, – განაცხადა სოფო ნიჟარაძემ.
