პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას’’ წევრი ლევან ხაბეიშვილი პოლიტიკურ შეფასებას აკეთებს ევროპარლამენტარების განცხადებებზე ,,მთავარი არხის“ გენერალური დირექტორის ნიკა გვარამიას საქმესთან დაკავშირებით:
,,ცხადია, ცივილიზებულ სამყაროში ყველა ხვდება, რომ ეს პოლიტიკურად მოტივირებული საქმეა. მეტიც, ამ განცხადებამდე ამერიკის საელჩომ პირდაპირ თქვა, რომ ამ საქმის დაწყებაც კი პოლიტიკური მოტივებით ხდებოდა.
აღქმა იყო ასეთი, რომ პოლიტიკური პროცესი იყო, ხოლო გადაწყვეტილება ადასტურებს იმას, რომ ეს პოლიტიკური საქმე იყო.
ყველა, ვინც არ ემონება, არ ემორჩილება, სხვანაირად ფიქრობს – ამ ადამიანების მიმართ ხორციელდება პოლიტიკური დევნა და შემდეგ აჰყავს ხოლმე მძევლად ბიძინა ივანიშვილს“, – განაცხადა ლევან ხაბეიშვილმა.
ავტორი
ნინი ხიჯაკაძე
