საქართველოს იუსტიციის მინისტრი რატი ბრეგაძე ტელეკომპანია ,,იმედის“ გადაცემაში ,,იმედის კვირა“ კონკრეტულ განმარტებებს აკეთებს მიხეილ სააკაშვილის მკურნალობის დეტალებთან დაკავშირებით:
,,მე მესმის ზოგადად, რა თქმა უნდა, ნებისმიერი პატიმრის ოჯახის წევრების დამოკიდებულება. ბუნებრივია, ისინი ღელავენ ამ ადამიანებზე, განსაკუთრებით მათ ჯანმრთელობაზე და აქ გასაკვირი არაფერია.
თუმცა, როგორც მრავალჯერ გვითქვამს არსებობს კანონი და ბუნებრივია, ჩვენ ამ შემთხვევაში ვართ მხოლოდ და მხოლოდ კანონის მცველები. ჩვენი კანონმდებლობა მსჯავრდებული პატიმრის საზღვარგარეთ გაყვანის შესაძლებლობას არ იძლება, არც მსგავსი პრაქტიკა არსებობს.
კიდევ ერთელ ვამბობ, თუკი ადამიანი საჭიროებს საზღვარგარეთ გაყვანას სამკურნალოდ თუ სხვა მიზნებისთვის, ამ შემთხვევაში იგი არ უნდა იყოს მსჯავრდებული პატიმარი.
მკურნალობა ზოგადად არის სხვა და სხვა სამედიცინო ღონისძიების ნაერთი. აქ საუბარი არის მედიკამენტურ მკურნალობაზე, სრულფასოვან კვებაზე, ასევე გარკვეულ ფიზიკურ აქტივობებზე, მათ შორის, სეირნიობა – სუფთა ჰაერზე. როგორც მოგახსენეთ, მიხეილ სააკაშვილი საკუთარი გადაწყვეტილებით ამ გარკვეულ ღონისძიებებში არ მონაწილეობდა.
სწორედ აქედან გამომდინარე არსებობდა გარკვეული რისკები და მათ გამოსარიცხად შევთავაზეთ, რომ გადასულიყო კერძო კლინიკა ,,ვივამედში“, რაზეც თავიდან მივიღეთ გარკვეულად პირობადებული თანხმობა, რომელიც რეალურად იყო ულტიმატუმის ტოლფასი“, – განაცხადა რატი ბრეგაძემ.
ავტორი
ნინი ხიჯაკაძე
