საერთაშორისო ურთიერთობების ექსპერტი გიორგი რუხაძე შეფასებას აკეთებს ბოლო პერიოდში მიმდინარე პოლიტიკურ პროცესებზე და კონკრეტულ განმარტებას აკეთებს ,,დიდი შვიდეულის“ სამიტთან დაკავშირებით ,,ქართული ოცნების“ თავმჯდომარის ირაკლი კობახიძის განცხადებაზე, რომ სამიტზე მიიწვიეს ის ქვეყნები რომლებიც რუსეთის ომთან არიან დაკავშირებულები:
,,ომი არაფერ შუაშია იმიტომ, რომ, სიტყვაზე, მოლდოვა არ არის ომში ჩართული. კი, რა თქმა უნდა, ახლოს არის საბრძოლო თეატრთან, მაგრამ ის ომში ჩართული არ არის. საქართველო – არის ომში ჩართული. იმიტომ, რომ საქართველოს ტერიტორიაზე ჩვენ გვყავს რუსეთის ჯარი.
შესაბამისად, როდესაც მცოცავი ოკუპაცია მიმდინარეობს, როდესაც ყოველდღიურად ადამიანებს იტაცებენ, მერე აწამებენ და კლავენ – ამას ჰქვია ომი, სხვას არაფერს.
ახლა კობახიძე ცდილობს, რომ ომის შიშით მანიპულირება მოახდინოს და საკუთარი პოლიტიკა, რომელიც აზიანებს ქვეყანას და ის ფაქტი, რომ საქართველო არ იყო ასეთ მნიშნელოვან საერთაშორისო ფორმატებში წარმოდგენილი – ეს გაამართლოს ან გადაფაროს“, – განაცხადა გიორგი რუხაძემ.
ავტორი
ნინი ხიჯაკაძე
