“ეს არის კატასტროფა, როცა უკრაინა და მოლდოვა არიან იქ, საქართველო – არ არის“ – გიორგი ვაშაძე “დიდი შვიდეულის” შეხვედრასთან დაკავშირებით

,,დიდი შვიდეულის“ შეხვედრაზე საქართველოს ხელისუფლება არ მიიწვიეს, იმ დროს როდესაც პრაქტიკულად ყველა პარტნიორი ქვეყანა ესწრება ფორუმს, უკრაინისა და მოლდოვას ჩათვლით. აღნიშნულ საკითხთან დაკავშირებით მწვავე შეფასება გააკეთა ,,სტრატეგია აღმაშენებლის“ თავმჯდომარემ გიორგი ვაშაძემ:

,,ეს არის კატასტროფა, როცა უკრაინა და მოლდოვა არიან იქ, საქართველო – არ არის. მე ვეკითხები საქართველოს მოქალაქეებს და ჩვენს მოსახლეობას – არის თუ არა ეს დიდი თავის ტკივილი და დიდი ტრაგედია ჩვენი ქვეყნის ეროვნული უსაფრთხოებისთვის და ინტერესებისთვის?

– სამწუხაროდ, დიახ!

როგორ უნდა შევცვალოთ ეს ყველაფერი? – გასაღები არის მატყუარა ოცნებების პარტიის ხელისუფლებიდან ჩამოშორებაში. იმიტომ, რომ ეს პარტია უფრო და უფრო გვაშორებს დასავლური ინტეგრაციის გზას“, – განაცხადა გიორგი ვაშაძემ.

ავტორი
ნინი ხიჯაკაძე