ადამიანის სიცოცხლის დაცვის აუცილებლობაზე საუბრობს “სტრატეგია აღმაშენებლის” გენერალური მდივანი, პარლამენტის წევრი პაატა მანჯგალაძე და მიხეილ სააკაშვილის მიმართ შესაბამის დამოკიდებულებას მოითხოვს:
“საერთოდ არ ვიცი ან თავდებობა რაში სჭირდება, ან ვინმეს აქცია რაში სჭირდება, ან შიმშილობა რაში სჭირდება იმას, რომ მიხეილ სააკაშვილის სიცოცხლე იყოს დაცული?!
საერთოდაც მე-3 პრეზიდენტი რომ არ იყოს, ადამიანის სიცოცხლე რომ უნდა იყოს დაცული, ამის ახსნა რომ გვჭირდება 21 საუკუნეში?!
ეს არის ძალიან მძიმე მდგომარეობა ქვეყნისთვის!
ასეთი აქტი და ასეთი ფორმა თუ გადაარჩენს ადამიანის სიცოცხლეს, რა თქმა უნდა, არანაირი პრობლემა არ მაქვს პირადად მე“, – განაცხადა პაატა მანჯგალაძემ.
