“ვთხოვთ სალომე ზურაბიშვილს, იმოქმედოს და გადავარჩინოთ მიხეილ სააკაშვილის სიცოცხლე” – თეონა ჭალიძე

დღეს საინიციატივო ჯგუფი ათონელის რეზიდენციასთან შეიკრიბა და საქართველოს პრეზიდენტს, სალომე ზურაბიშვილს მოუწოდა მე-3 პრეზიდენტის, მიხეილ სააკაშვილის სიცოცხლის გადარჩენის მიზნით კონკრეტული გადაწყვეტილებების მიღებისკენ. საკითხთან დაკავშირებით თავისი პოზიცია დააფიქსირა ,,სტრატეგია აღმაშენებლის“ პოლიტიკური საბჭოს წევრმა თეონა ჭალიძემ:

,,ჩვენს ქვეყანაში ვიცით, სიკვდილით დასჯა გაუქმებულია, მაგრამ ის, რომ მიხეილ სააკაშვილს არ ეძლევა სათანადო მკურნალობის საშუალება, ეს არის მისთვის გამოტანილი განაჩენი ნელი სიკვდილისა.

ჩვენ მოვდივართ დღეს სალომე ზურაბიშვილთან იმისთვის, რომ შევახსენოთ მას თავისი უფლებები, თავისი ფუნქციები და ბერკეტები.

ვთხოვთ მას, რომ იმოქმედოს და გადავარჩინოთ მიხეილ სააკაშვილის სიცოცხლე“, – განაცხადა თეონა ჭალიძემ.

ავტორი
ნინი ხიჯაკაძე