“7 თვის განმავლობაში პენიტენციურმა სამსახურმა სრული სადიზმი გამოიჩინა და პაციენტს არ აღირსა ადეკვატური მკურნალობა” – მარიამ ჯიშკარიანი მიხეილ სააკაშვილის მკურნალობაზე

წამების მსხვერპლთა ფსიქოლოგიური რეაბილიტაციის ცენტრ ,,ემპათიას“ დირექტორი მარიამ ჯიშკარიანი განცხადებას აკეთებს საქართველოს მე-3 პრეზიდენტის მიხეილ სააკაშვილის ჯანმრთელობის მძიმე მდგომარეობასთან დაკავშირებით:

,,7 თვის განმავლობაში პენიტენციურმა სამსახურმა სრული სადიზმი გამოიჩინა და პაციენტს არ აღირსა ადეკვატური მკურნალობა, არ გაითვალისწინა ექსპერტების არც ერთი რეკომენდაცია. შესაბამისად, რა თქმა უნდა, არაეფექტური იყო მკურნალობა. ამას თვითონვე ადასტურებენ.

რაც შეეხება სტაბილურ მდგომარეობას – გითხარით, რომ პენიტენციურ სამსახურს აქვს მხოლოდ ამბულატორიული სერვისი და ,,სტაბილური მდგომარეობა“ – ეს არის ტერმინი, რომელიც გამოიყენება ინტენსიურ თერაპიაში ან რეანიმაციაში მყოფ პაციენტთან მიმართებაში“, – განაცხადა მარიამ ჯიშკარიანმა.

ავტორი
ნინი ხიჯაკაძე