პარტია ,,გირჩის“ ლიდერი, პარლამენტის წევრი იაგო ხვიჩია “იმედის” ჟურნალისტთან კომენტარში პოლიტიკურ შეფასებას აკეთებს ოპოზიციის მოთხოვნაზე საქართველოში რიგგარეშე არჩევნების ჩატარებასთან დაკავშირებით:
,,მე მგონი 2022 არის ბოლო წელი, როდესაც ჩვენ ამ მოთხოვნის და ზოგადად ამაზე საუბრის მოსმენა მოგვიწევს. იმიტომ, რომ 2024 წელს მაინც უნდა ჩატარდეს არჩევნები, ახლა რომც ჩავატაროთ.
2023 წელს – ერთი წლის გამო მაინც აღარ მოითხოვენ დარწმუნებული ვარ ჩვენი კოლეგები. მანამდე გვიწევს ამ, ჩემი აზრით, სრულიად უშინაარსო მოთხოვნის ატანა.
საუბრობენ ისეთ რამეზე, რომელიც იციან რომ არ მოხდება. თვითონაც რომ იყვნენ ხელისუფლებაში, არც მაშინ არ იზამდნენ, მაგრამ გასაკრიტიკებლად, როგორც ჩანს კარგია.
ჩვენს ქვეყანაში იმდენი რამე აქვს საკრიტიკებელი ხელისუფლებას, ობიექტურად, ძებნა რატომ უნდა გიწევდეს? თვალწინ დევს – მთავარია დაინახო და აიღო“, – განაცხადა იაგო ხვიჩიამ.
ავტორი
ნინი ხიჯაკაძე
