საქართველოს პარლამენტის წევრი, ,,სტრატეგია აღმაშენებლის“ გენერალური მდივანი პაატა მანჯგალაძე კომენტარს აკეთებს საპატიმროში მიხეილ სააკაშვილის მონახულებაზე ჯანმრთელობის დაცვისა და სოციალურ საკითხთა კომიტეტის თავმჯდომარის დიმიტრი ხუნდაძის უართან დაკავშირებით:
,,პარლამენტის წევრი, ჯანდაცვის კომიტეტის თავმჯდომარე, თუნდაც ადამიანის უფლებათა კომიტეტის თავმჯდომარე ადამიანურად, მორალურად ვალდებულია, რომ გაითვალისწინოს ასეთი ადამიანის თხოვნა.
თუ მათ რამე პირადი ადამიანური შიშები აქვთ მიხეილ სააკაშვილთან დაკავშირებით, მე მზად ვარ, რომ მათთან ერთად მივიდე, წავყვე ამ ადამიანებს თუ ეშინიათ პირადად სააკაშვილის.
არა თუ ციხის პირობებში, არამედ საქართველოს პირობებშიც კი გართულებულია მსგავსი დაავადების მქონდე ადამიანის მკურნალობა. შესაბამისად, ,,ქართული ოცნება“ ეწევა ახლა აზრის მანიპულაციას.
კიდევ ერთხელ მოვუწოდებ ყველას, ამ საკითხზე მაინც, დავანებოთ თავი პოლიტიკურ სპეკულაციას“, – განაცხადა პაატა მანჯგალაძემ.
ავტორი
ნინი ხიჯაკაძე
