“ეს არის ერთი დიდი კამპანია, რომლის მიზანიც არის მიხეილ სააკაშვილის ქვეყნიდან გაყვანა იმისთვის, რომ გაიქცეს” – ბექა დავითულიანი

პარლამენტის ფრაქცია ,,ქართული ოცნების“ თავმჯდომარის მოადგილის ბექა დავითულიანის აზრით ბევრმა ექიმმა მიხეილ სააკაშვილის სამედიცინო შეფასებებში ,,ათასჯერ მოიტყუეს’’ და აცხადებს, რომ პატიმრის ჯანმრთელობასა და სიცოცხლეზე პენიტენციური დაწესებულება არის პასუხისმგებელი:

,,პენიტენციური სისტემა არის პასუხისმგებელი პატიმრის ჯანმრთელობაზე და სიცოცხლეზე. გიდასტურებთ, რომ თუ რაიმე ტიპის სამედიცინო სერვისი პატიმარს დასჭირდება – ეს სერვისი აღმოჩენილი ექნება.

ექიმების ნათქვამი ჩვენ ვნახეთ ათასჯერ წინა, იგივე ,,დრამატურგიაში“. ვნახეთ, რომ ათასჯერ მოიტყუა ბევრმა მათგანმა.

ეს არის დიდ სურათში ერთი დიდი კამპანია, რომლის მიზანიც არის მიხეილ სააკაშვილის ქვეყნიდან გაყვანა იმისთვის, რომ გაიქცეს“, – განაცხადა ბექა დავითულიანმა.

ავტორი
ნინი ხიჯაკაძე