საქართველოს პარლამენტის წინ ექიმების მიერ მიხეილ სააკაშვილის მხარდამჭერი აქცია გაიმართა. გაკეთდა განცხადებები და მიმართვა საერთაშორისო პარტნიორებისადმი, რომ მათ გამოიყენონ ყველა ბერკეტი, რათა საქართველოს მე-3 პრეზიდენტი სამკურნალოდ გადაყვანილ იქნას საზღვარგარეთ. აღნიშნულ საკითხზე კომენტარი გააკეთა ექიმმა ლევან ფერაძემ:
,,დგება მომენტი, როდესაც გაჩუმება აღარ შეიძლება. თუ ჩვეულებრივი მოქალაქისთვის ეს არის პოლიტიკური გემოვნების საკითხი, ჩვენთვის ეს პოლიტიკური გემოვნების საკითხი არ არის.
ჩვენთვის ეს არის ვალდებულება დავეხმაროთ მძიმედ ავადმყოფ პაციენტს.
ჩვენთვის ამ მისიის შეუსრულებლობა დანაშაულია. სწორედ ამიტომ ვერ გავჩუმდებით, ავიმაღლეთ ხმა და ეს ყველაფერი არის საწყისი ექიმების ბრძოლის, თუ ჩვენ ვერ მივაღწიეთ იმ შედეგს, რომელიც გვინდა.
პრეზიდენტი ვეღარ იღებ საკვებს. აქვს ცილი ძალიან დიდი დეფიციტის. კუნთური მასა, როგორც თქვეს კომისიის წევრებმა 8 კგ-ით არის დაკლებული. ეს არის მთელი კუნთური წონის დაახლოებით 12-15%, 10% – უკვე კატასტროფაა.
მე მინდა, საპატრიარქოსაც მივმართო: ძალიან გთხოვთ, გამოიყენოთ თქვენს ხელთ არსებული ყველა ბერკეტი, ნუ შეხედავთ გულგრილად კიდევ ერთი პრეზიდენტის დაღუპვას“, – განაცხადა ლევან ფერაძემ.
ავტორი
ნინი ხიჯაკაძე
