“მოვუწოდებთ სააკაშვილს, რომ მიიღოს საკვები და პოლიტიკური სპეკულაცია მის ჯანმრთელობასთან დაკავშირებით დამთავრდეს” – ირაკლი ქადაგიშვილი

პარლამენტის საპროცედურო საკითხთა და წესების კომიტეტის თავმჯდომარე ირაკლი ქადაგიშვილი თავის პოზიციას აფიქსირებს მიხეილ სააკაშვილის ჯანმრთელობის მდგომარეობასთან დაკავშირებით და ყოფილ პრეზიდენტს მოუწოდებს მიიღოს საკვები:

,,შეშფოთებას გამოვთქვამთ ჩვენც და მოვუწოდებთ სააკაშვილს, რომ მიიღოს საკვები, ექიმი რომ მივა მასთან, როგორც პაციენტმა დაუჯეროს და პოლიტიკური სპეკულაცია სააკაშვილის ჯანმრთელობასთან დაკავშირებით დამთავრდეს.

ციხეში ყოფნა ყველასთვის დამთრგუნველია. მითუმეტეს, როდესაც ჩამოგაგზავნეს ქვეყანაში იმიტომ, რომ რევოლუცია მოგეხდინა, ძალაუფლება ხელში აგეღო და აღმოჩნდი ციხეში.

დათრგუნულია, რა თქმა უნდა, მაგრამ პასუხი უნდა აგოს თავის ძველ თუ მიმდინარე ქმედებებზე“, – განაცხადა ირაკლი ქაგადიშვილმა.

ავტორი
ნინი ხიჯაკაძე