“მიხეილ სააკაშვილი არის მე-3 პრეზიდენტი და მასთან მიმართებაში მოქმედ პრეზიდენტს უფრო მეტი მორალური ვალდებულება აქვს, სამართლებრივ ვალდებულებას რომ თავი დავანებოთ” – დიმიტრი საძაგლიშვილი

საქართველოს მე-3 პრეზიდენტის ადვოკატი დიმიტრი საძაგლიშვილი მიხეილ სააკაშვილის ჯანმრთელობის მდგომარეობის გათვალისწინებით თითოეული თანამდებობის პირის პასუხისმგებლობაზე საუბრობს და ხაზგასმით საუბრობს ქვეყნის მოქმედი პრეზიდენტის, სალომე ზურაბიშვილის პასუხისმგებლობაზეც:

,,ყველას კარგად უნდა ესმოდეს, თითოეულ თანამდებობის პირს, რომელიც ამ პროცესში აქტიურ ან პასიურ მონაწილეობას მაინც იღებს, კარგად უნდა იცოდნენ, რომ მათი იდენტიფიცირება, ბუნებრივია, შესაძლებელია. მათი სახელები და გვარები არ გაქრება და ისინი პასუხისმგებლები იქნებიან იმ შესაძლო ფატალურ შედეგებზე, რაც შეიძლება განვითარდეს მიხეილ სააკაშვილთან მიმართებაში.

სალომე ზურაბიშვილის პასუხისმგებლობა განსაკუთრებით უფრო მაღალია იმის გათვალისწინებით, რომ მიხეილ სააკაშვილი არის მე-3 პრეზიდენტი და მასთან მიმართებაში მოქმედ პრეზიდენტს კიდევ უფრო მეტი, მათ შორის მორალური ვალდებულება აქვს, სამართლებრივ ვალდებულებას რომ თავი დავანებოთ.

მაგრამ, სამწუხაროდ, ვხედავთ რომ ის არანაირ ქმედებას ამ მიმართულებით არ ახორციელებს“, – განაცხადა დიმიტრი საძაგლიშვილმა.

ავტორი
ნინი ხიჯაკაძე