,,ქართული ოცნება – დემოკრატიული საქართველოს“ თავმჯდომარე ირაკლი კობახიძე საქართველოს მე-3 პრეზიდენტის ჯანმრთელობის მდგომარეობის გაუარესების მიზეზად ასახელებს მიხეილ სააკაშვილის ცხოვრების სხვა დონეს და აცხადებს, რომ ვინც ითხოვს მის გათავისუფლებას ამოძრავებს ერთი მიზანი – საქართველოში ომის გაჩაღება:
,,სააკაშვილის ცხოვრების ხარისხი გაუარესდა მას შემდეგ, რაც ის ვერ უკვეთავს მაგალითად, საზღვარგარეთიდან სახელმწიფოს ხარჯზე კვების პროდუქტებს, ბევრი სხვა კუთხითაც.
მას ჰქონდა ცხოვრების სხვა ხარისხი, ხალხის ხარჯზე და ბუნებრივია, ახლა აქვს ცხოვრების სხვა ხარისხი, რაშიც არაფერი განსაკუთრებული არ არის. ამას რომ განიცდის სააკაშვილი – ესეც არის აბსოლუტურად ლოგიკური.
ძალიან მკაფიოდ მინდა ვთქვა, ხაზგასმით, რომ ვინც ითხოვს სააკაშვილის გარეთ გამოშვებას ან მომავალში მოითხოვს, ყველას ამოძრავებს ერთადერთი მიზანი – ეს არის საქართველოს ჩათრევა სამხედრო კონფლიქტში. აქედან გამომდინარე, ნებისმიერ ასეთ მოწოდებაზე, ჩვენი მხრიდან პასუხი იქნება მკაფიო – სააკაშვილმა უნდა მოიხადოს სასჯელი“, – განაცხადა ირაკლი კობახიძემ.
ავტორი
ნინი ხიჯაკაძე
