“მიხეილ სააკაშვილს კლავენ მიზანმიმართულად და ღიად” – ნიკა გვარამია

მიხეილ სააკაშვილისთვის საპატიმროში ამანათების შეტანასთან დაკავშირებით სპეციალური პენიტენციური სამსახურის მიერ დაწესებულ შეზღუდვებს სოციალურ ქსელში მწვავე პოზიციით ეხმაურება ტელეკომპანია “მთავარი არხის” გენერალური დირექტორი, ქვეყნის მე-3 პრეზიდენტის ადვოკატი, ნიკა გვარამია:

“მიხეილ სააკაშვილი არ შიმშილობს, ის ვერ ჭამს.

მიშა აქამდე მარტო უცხიმო სულგუნს და კიტრს ჭამდა, იმასაც ძალიან ცოტას. ეს ამანათებით შეგვქონდა მასთან.

პენიტენციურმა სამსახურმა მძევალ სააკაშვილთან ამანათების შეტანაც აკრძალა და უკვე მშიერიც დატოვა.

მიხეილ სააკაშვილს კლავენ მიზანმიმართულად და ღიად.

ამ ვითარებაში თითოეული ჩვენგანის გინდა გაცნობიერებული, გინდა გაუცნობიერებელი დუმილი ასევე უდრის მკვლელობას“, – წერს ფეისბუქის პირად გვერდზე ნიკა გვარამია.