მედიაში გავრცელებულ, ბიძინა ივანიშვილთან დაკავშირებულ ფარულ ჩანაწერებს, ტელეგრამ-არხის მეშვეობით ეხმაურება უკრაინის უმაღლესი რადას ფრაქცია “ხალხის მსახურის” ლიდერი დავით არახამია და კონკრეტულ ბრალდებებს უყენებს საქართველოს ხელისუფლებას, ხოლო ბიძინა ივანიშვილისთვის სანქციების დაწესებას მოითხოვს ევროკავშირისა და აშშ-სთვის:
“უკრაინელები და ქართველები ყოველთვის იყვნენ და იქნებიან მოძმე ხალხი.
ქართველები უკრაინისთვის იბრძვიან ომში, ცნობილმა სახეებმა ჯერ კიდევ 24 თებერვლამდე ჩაწერეს ჩვენი მხარდამჭერი ვიდეომიმართვა. ისინი გულშემატკივრობენ უკრაინას და ომში ჩვენ გამარჯვებას.
მაგრამ არა საქართველოს ხელისუფლება. და პასუხი ძალიან მარტიბვია – მთავარი ქართველი ოლიგარქი ბიძინა ივანიშვილი მჭიდროდ არის დაკავშირებული რუსეთის პოლიტიკურ ელიტასთან. ამ კავშირებს ადასტურებს ახლახან გამოქვეყნებული “ივანიშვილის ჩანაწერები”.
საქართველოს ხელისუფლების პოლიტიკა – ეს კრემლის მითითებების შესრულებაა. და ეს არის მათი რიტორიკის მიზეზი, არ ცნონ რუსეთის მხრიდან უკრაინის მიმართ სამხედრო დანაშაულები და რუსეთის ფედერაციისთვის სანქციებისთვის თავის არიდების დახმარების მცდელობა.
დღეს, ივანიშვილი ქართველ იანუკოვიჩად გადაიქცა. ის და მისი ხალხი უკრაინის მიმართ ატარებენ პოლიტიკას, რომელსაც ქართველი ხალხი მხარს არ უჭერს. მათ უნდათ ქართველებსა და უკრაინელებს ერთმანეთს დააპირისპირონ. ეს რომ არ დავუშვათ, მივმართავ ევროკავშირისა და შეერთებული შტატების ხელმძღვანელობას, განიხილონ ივანიშვილსა და დასავლეთში არსებულ მის აქტივებზე სანქციების დაწესება.
პასუხისმგებლობას ვერავინ გაექცევა“, – აცხადებს დავით არახამია.
