წამების მსხვერპლთა ფსიქოლოგიური რეაბილიტაციის ცენტრ ,,ემპათიის“ ხელმძღვანელი მარიამ ჯიშკარიანი აცხადებს, რომ დაუყოვნებლივ უნდა მოხდეს შესაბამისი რეაგირება მიხეილ სააკაშვილის ჯანმრთელობის მდგომარეობასთან დაკავშირებით, წინააღმდეგ შემთხვევაში ვითარება შესაძლოა კიდევ უფრო გაუარესდეს:
,,მიხეილ სააკაშვილის ჯანმრთელობის მდგომარეობა, რა თქმა უნდა, დამძიმებულია. ეს პროგნოზი გაკეთებულია ცენტრ ,,ემპათიას“ არა ერთ დასკვნაში. არც ერთი რეკომენდაცია ჩვენს მიერ გაცემული არ შესრულდა, რაც მეტყველებს იმაზე, რომ ადამიანის მიმართ მიზანმიმართულად ხორციელდება ზიანის მიყენება მისი ჯანდაცვის კუთხით, როგორც მინიმუმ.
ეს არის კონსტიტუციური უფლების დარღვევა. ეს არის უფლება ჯანდაცვაზე და ეს უფლება მას აქვს დარღვეული, რაც გახლავთ არაადამიანური მოპყრობა.
შესაბამისად, აუცილებელია დაუყოვნებლივ რეაგირება.
ჩვენ გვქონდა ამასთან დაკავშირებით თებერვალში შეხვედრა ქალბატონ სალომე ზურაბიშვილთან. თუმცა რეაგირება იყო ნული, ამ მიმართულებით. ასევე, რატი ბრეგვაძესთან ჩვენ გაგზავნილი გვაქვს წერილი ექსპერტების დაშვების მოთხოვნით. თუმცა ახლა ვფიქრობთ, რომ აუცილებელია მისი გაყვანა სტაციონარში ხელახალი გამოკვლევებისათვის, მაგრამ საქართველოს პირობებში, უკვე დადასტურებულია, რომ მისი ჯანმთელობის მდგომარეობა დღითიდღე უარესდება.
შესაბამისად, იგი სასწრაფოდ არის გასაყვანი ჰუმანიტარული მისიით ქვეყნის ფარგლებს გარეთ, რათა მისი ჯანმრთელობის მდგომარეობა კიდევ უფრო არ გაუარესდეს“, – განაცხადა მარიამ ჯიშკარიანმა.
ავტორი
ნინი ხიჯაკაძე
