“თუ მიაქცევთ ყურადღებას ფაქტობრივ მონაცემებს, იქ აღმოაჩენთ არაერთ ფაქტობრივ შეუსაბამობას” – მიხეილ სარჯველაძე

Freedom House-ის მიერ წარდგენილ ანგარიშზე საქართველოში დემოკრატიის მაჩვენებელთან დაკავშირებით შეფასება გააკეთა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ მიხეილ სარჯველაძემ:

,,დაუზუსტებელია მეთოდოლოგია ან ინფორმაციის წყარო, რომელსაც ეყრდნობა, ამ შემთხვევაში, ასეთი გაკეთებული შეფასებები.

რაც ძალიან მნიშვნელოვანია და ალბათ თქვენს ყურადღებასაც უნდა იმსახურებდეს – თუ მიაქცევთ ყურადღებას ფაქტობრივ მონაცემებს, რომელზეც კეთდება აქცენტი და დაშენებულია შემდგომში დასკვნა, იქ აღმოაჩენთ არაერთ ფაქტობრივ შეუსაბამობას.

მაგალითად, არასრულად ინფორმაციის ასახვას, რომელიც უკავშირდება იგივე მიშელის დოკუმენტს, რომ თითქოს და ოპოზიციური პარტიების მხრიდან ყველასგან იყო მხარდაჭერილი შესრულების და იმპლემენტაციის პროცესში აქტიურად მათი ჩართულობა და ა.შ.“, – განაცხადა მიხეილ სარჯველაძემ.

ავტორი
ნინი ხიჯაკაძე