“არც არავის ეზეიმება და არც არავის ეკონცერტება, ამ ქალაქში, ბატონო კახა!” – ნანა ტოხვაძე

ქვეყანაში და რეგიონში შექმნილი მდგომარეობის გათვალისწინებით მერიის მიერ საზეიმო ღონისძიებების დაგეგმვა მიზანშეუწონლად მიაჩნია “სტრატეგია აღმაშენებლის” პოლიტსაბჭოს წევრს, ნანა ტოხვაძეს და ამასთან დაკავშირებით თბილისის მერს, კახა კალაძეს მიმართავს:

“მინდა მივმართო თბილისის მერს, კახა კალაძეს, რომელმაც ნააღდგომევს შაბათ-კვირის ტაშ-ფანდურები დაგვიანონსა.

არც არავის ეზეიმება და არც არავის ეკონცერტება, ამ ქალაქში, ბატონო კახა! თუ თბილისის ბიუჯეტში არსებობს საკონცერტოდ გამოთავისუფლებული სახსრები, მიმართეთ ეს ფინანსები რეგიონიდან ჩამოსული სტუდენტების საცხოვრისის მოგვარებისკენ.

ორი თვით დააბინავეთ რეგიონიდან ჩამოსული სტუდენტები, რომ ისინი არ გახდნენ იძულებული მიატოვონ სწავლა ან თბილისში ბინის არქონის გამო არ მოუწიოთ ამ სემესტრის ჩაგდება.

ეს გადაწყვეტილება, მერწმუნეთ, უფრო ზნეობრივი და სარგებლიანი იქნება, ვიდრე სახალხო ზეიმების მოწყობა უკრაინაში მიმდინარე სისასტიკის ფონზე. მადლიერიც ბევრად მეტი სტუდენტი და ოჯახი დაგრჩებათ” – აცხადებს ნანა ტოხვაძე.

ინფორმაციისთვის: დღეს თბილისის სახელმწიფო უნივერსიტეტის სტუდენტებმა საპროტესტო აქცია გამართეს და გადაწყვეტილების მიმღებ პირებს მიმართეს, რომ კონკრეტულ მიზეზთა გამო უზრუნველ სტუდენტთა ჰიბრიდული სწავლება.