თბილისის სახელმწიფო უნივერსიტეტის სტუდენტებმა საპროტესტო აქცია გამართეს და გადაწყვეტილების მიმღებ პირებს მიმართეს, რომ კონკრეტულ მიზეზთა გამო, მათ უზრუნველყონ სტუდენტთა ჰიბრიდული სწავლება. საპროტესტო აქციას სოლიდარობას, სტუდენტებს კი მხარდაჭერას უცხადებს აქციაზე მყოფი “სტრატეგია აღმაშენებლის” პოლიტიკური საბჭოს წევრი, განათლების მიმართულების ხელმძღვანელი ნანა ტოხვაძე:
“წარმოუდგენელია, რომ სახელმწიფო ხელშეწყობის ნაცვლად ხელშემშლელ როლს თამაშობს სტუდენტების ცხოვრებაში. დღეს აქციაზე შეკრებილ სტუდენტებს აქვთ სამართლიანი მოთხოვნა – განათლებისა და არჩევანის უფლება მიეცეს ყველას, განურჩევლად სოციალური სტატუსისა!
სასწავლო სემესტრის მიწურულს აუდიტორიებში დაბრუნება დიდ ფინანსურ და საყოფაცხოვრებო დანახარჯთანაა დაკავშირებული. სავალდებულოა, რომ მათი ხმა მიწვდეს გადაწყვეტილების მიმღებ პირებს და რაციონალური, გულისხმიერი და ლოგიკური პოზიცია დაიკავონ სწავლის გაგრძელების ჰიბრიდულ მოდელთან დაკავშირებით“, – აცხადებს ნანა ტოხვაძე.
