კომპანია „თელასი“ სათნოების სახლი „კათარზისი“-ს მობინადრეებს აღდგომის ბრწყინვალე დღესასწაულს ულოცავს.
დღეს გამართულ საქველმოქმედო აქციის ფარგლებში კომპანიის მიერ შეძენილი სურსათი და სააღდგომო ნობათი მოხუცებს „თელასი“-ს საზოგადოებასთან ურთიერთობის სამსახურის უფროსმა ვალერი ფანცულაიამ გადასცა.
„თელასი“-ს დახმარებით „კათარზისი“-ს 500–მდე ბენეფიციარი ერთი თვის მანძილზე საკვები პროდუქტებით იქნება უზრუნველყოფილი.
სათნოების სახლ „კათარზისს“ კომპანია “თელასი” 2005 წლიდან მფარველობს. წლების მანძილზე კომპანია ფარავდა „კათარზისი“-ს მიერ ზამთრის პერიოდში მოხმარებული ელექტროენერგიის საფასურს, აფინანსებდა ტრადიციულ კონკურსს „სუპერ ბებია და ბაბუა“, უწევდა დახმარებას საკვები პროდუქტების და საჭირო ინვენტარის შეძენაში.
ინფორმაციას სს „თელასის“ საზოგადოებასთან ურთიერთობის სამსახური ავრცელებს