“გამოვლენ გარეთ და შევლენ უკან სახლებში” – გიორგი ამილახვარი “ნაციონალური მოძრაობის” მიერ დაანონსებულ საპროტესტო აქციასთან დაკავშირებით

საპარლამენტო უმრავლესობის წევრი გიორგი ამილახვარი “ნაციონალური მოძრაობის” მიერ, ვადამდელი არჩევნების მოთხოვნით, საპროტესტო აქციების დაანონსებას ეხმაურება და აცხადებს, რომ საქართველოში არ ჩატარდება რიგგარეშე არჩევნები, რადგან საზოგადოება უკვე დაიღალა არაფრის მომცემი მოწოდებებით და მათ ამ იდეას არ აქვს საზოგადოებრივი მხარდაჭერა:

,,ომის და მოღალატეების პარტიამ დაინახა რა, რომ აღარანაირი რესურსი აღარ დარჩა იმისთვის, რომ საქართველო ჩათრეული იყოს ომში. ისინი უკვე გადავიდნენ ფილმის მორიგ სერიაზე, რომელიც არაერთხელ ნანახი გვაქვს. დაანონსეს მორიგი გაზაფხული, სადაც შედგება რიგგარეშე არჩევნები.

საზოგადოება დაიღალა მათი არაფრის მომცემი მოწოდებებით.

რიგგარეშე არჩევნები საქართველოში არ იქნება. მორიგი არჩევნები კი ჩატარდება 2024 წელს, კონსტიტუციით განსაზღვრულ ვადებში.

მათ იდეას არ აქვს საზოგადოებრივი მხარდაჭერა, მათ შორის, არც ოპოზიციური პარტიებისგან.
ეს არის მხოლოდ ,,ნაციონალური მოძრაობის’’ ვიწროპარტიული აქტივის მხარდამჭერი აქცია, რომელიც მორიგ ჯერზე დამთავრდება ისე, რომ გამოვლენ გარეთ და შევლენ უკან სახლებში’’, – განაცხადა გიორგი ამილახვარმა.

ავტორი
ნინი ხიჯაკაძე