“მიხეილ სააკაშვილის ჯანმრთელობის მდგომარეობა ყოველდღიურად უარესდება ბოლო რამდენიმე თვის განმავლობაში” – შოთა თუთბერიძე

საქართველოს მე-3 პრეზიდენტის ადვოკატი შოთა თუთბერიძე საგანგაშოდ მიიჩნევს მიხეილ სააკაშვილის ჯანმრთელობის მდგომარეობას და აღნიშნულთან დაკავშირებით მწვავე კომენტარს აკეთებს:

,,მიხეილ სააკაშვილის ჯანმრთელობის მდგომარეობის არსებითად შესაცვლელად არავითარი ღონისძიება სახელმწიფოს არ განუხორციელებია.

შესაბამისად, მას ვერ და არ უტარდება ადეკვატური სამედიცინო დახმარება – მომსახურება, რაც შეუძლებელია ჩატარდეს ამ დაწესებულებაში.

ამაზე არაერთხელ მიუთითა არაერთმა პროფესიონალმა ექსპერტმა მედიკოსმა. შესაბამისად, შეგვიძლია ვთქვათ, რომ მისი ჯანმრთელობის მდგომარეობა ყოველდღიურად უარესდება ბოლო რამდენიმე თვის განმავლობაში.

სამწუხაროდ, არსებობს საფრთხე, რომ ეს მიგვიყვანს ძალიან საშიშ შედეგამდე“, – განაცხადა შოთა თუთბერიძემ.

ავტორი
ნინი ხიჯაკაძე