“უკრაინა გახდება ამ სისასტიკესთან, ველურობასთან და ბოროტებაზე გამარჯვების სიმბოლო” – ნიკა მელია

,,ერთიანი ნაციონალური მოძრაობის“ თავმჯდომარე ნიკა მელია კომენტარს აკეთებს პარტიის ლიდერების უკრაინაში ვიზიტთან და იქ ადგილზე შექმნილ შთაბეჭდილებებთან დაკავშირებით. ოპოზიციონერი ლიდერი აცხადებს, რომ “საკუთარი თვალით ნანახი ბევრად უფრო მძიმეა”:

,,საქართველოში, თითოეული ჩვენგანი, პირველი დღიდანვე ვადევნებდით თვალყურს, რა თქმა უნდა, რუსების სიველურეს უკრაინაში, რაც გულისხმობდა მშვიდობიანი მოქალაქეების ხოცვა-ჟლეტას.

ერთის მხრივ, უშუალოდ აქ ყოფნით და საკუთარი თვალით ნანახი ბევრად უფრო მძიმეა, ხოლო მეორე მხრივ – ვრწმუნდები, რომ დღეს მსოფლიოში უკრაინა გახდა უკვე სადიზმთან, ბოროტებასთან, სისასტიკესთან ბრძოლის სიმბოლო.

ძალიან ცოტა, მცირე ხანში უკრაინა გახდება აი ამ სისასტიკესთან, ველურობასთან და ბოროტებაზე გამარჯვების სიმბოლო“, – განაცხად ნიკა მელიამ.

ავტორი
ნინი ხიჯაკაძე