პარტია “კანონი და სამართლის” თავმჯდომარე, თაკო ჩარკვიანი პრეზიდენტ სალომე ზურაბიშვილის მიერ გაკეთებულ განცხადებას ეხმაურება სკოლებში მეგრული და სვანური ენის სწავლებასთან დაკავშირებით:
“არის დრო ქვების სროლის და არის დრო ქვების დაგროვების” – დიახ ასეა. პოლიტიკოსის უდროოდ გაკეთებულმა განცხადებამ (მაღალი თანამდებობის პირის განსაკუთრებით, პრემიერი იქნება ეს თუ პრეზიდენტი) სასარგებლო კი არა, არამედ დიდი ზიანი შეიძლება მოუტანოს ქვეყანას.
დრო, დრო, დრო იგრძენით ბატონებო, პოპულისტური “განცხადებების” დრო არ არის, ახლა ძლიერ უჭირს საქართველოს, ფრთხილად უნდა გავიაროთ და სასარგებლო კარგ და “გადასარევ” წინადადებასაც თავისი დრო აქვს, რომ ქვეყნისთვის სასარგებლოდ შემოტრიალდეს და არა რუსულ დიდი ხნის ნანატრ (საქართველოს დაშლის) გეგმად!
დრო, დრო, დრო!!! დროს უნდა გრძნობდეს პოლიტიკოსი… ნუ, თუ “ბატი” ან რეზიდენტი არ არის! დიდ ილიაზე ჭკვიანი, მაინც არავინ მეგულება, დროს გრძნობდა და დროს უსწრებდა!!!
რაღაც შეიძლება იყოს ძალიან კარგი, მაგრამ უდროო, არადროულად გაკეთებული და საქართველოსთვის ძლიერ დამაზიანებელი!✌️🙏❤️ ის, რაც დღეს უკიდურესად უდროოა, შეიძლება მომავალში დროული და სასარგებლო იყოს!
დ რ ო, მისი შეგრძნება განსაზღვრავს სახელმწიფოებრივ აზროვნებას და არა პოპულიზმი!” – წერს ფეისბუქის პირად გვერდზე თაკო ჩარკვიანი.